همم يا جمل

#هم_يا_جمل
لو ابنِك في مرحلة الفطام أو داخل عليها…
القصة دي هتمهد جدا لطفلك المرحلة دي وكمان هتديكي أفكار رائعه لفطام تدريجي سلس
القصة من إصدار دار Future e-learning and printed – المستقبل للتعليم الالكتروني والمطبوع
✍️ للكاتبة المبدعة: الأستاذة نهال أحمد الجندي

🎨 ورسوم الفنانة: الأستاذة أروى أبو سلامة

في ٢٤ صفحة مليانة ألوان ورسومات تخطف قلب الطفل من أول صفحة.
حجم القصه كبير والرسومات والألوان زاهيه جدا و ملفته

لو محتارة ازاي تبدأي الفطام من غير زعل وصريخ…
ولا حرمان ولا إحساس بالضغط.

قصة “همم يا جمل”

القصة بتحكي عن وديع…
جمل صغير عايز رضاعة طول الوقت،
وبيهرب من الأكل زي معظم الأطفال 😂

ولما ماما قالت له إنه كبر…
بدأ معاها بخطوة صغير:

🍼 رضعة واحدة بالليل
🌿 وأكل خفيف بالنهار
🍉 مرة حبوب، مرة بطيخ، مرة أكل مع أصحابه…
ايام كان بيطلع خروجات مع العيله يلعب ويجري وأوقات يقضي وقت ممتع مع تيتا وجدو
وكمان بابا كان ليه دور كبير
🥦🥒🫜🍆🥕 جرب وديع اكل خضروات كتييير وحب منهم اكتر حاجه الجزر وتيتا قالتله أنه مفيد كمان للنظر ،يمييييي مُقرمش🤤
وحتي جدو شارك معانا في اللعب والمرح واحنا بناخود الحمام الليلي

وبعد 7ليالي وديع مع وجبات النهار المشبعه ولعب وتنطيط طول اليوم نام من غير ما يطلب رضعته الليليه⭐
وكبر وديع فعلا وبقي يستمتع بتناول الاكل اللذيذ مع أصحابه في حضانة الجمال😂
مناقشه ✨
بداية من إختيار اسم القصه وهي جمله شهيرة بنستخدمها مع الصغار لما نشجعهم أنهم يفتحوا بؤهم وياكلوا باستمتاع “هم يا جمل ” 😍
استخدمت الكاتبه طريقه الفطام التدريجي بخطوات منظمه

وطرحت أفكار للأم فعاله تستخدمها مع صغيرها زي الاكتفاء

بالرضاعه الليليه ،وادخال انواع مختلفه من الطعام تدريجيا ،مع

تشجيع باقي أفراد العائله ومشاركتهم تناول الطعام اللذيذ تشجيعا

للطفل ومرة اللعب كوسيلة للإلهاء وهكذا

من أم طبقت الفطام التدريجي بالفعل من شهور مع صغيرتي أحب

أشكر الكاتبه جدا جدا لان رغم إن عدي شهور لكن بنوتي افتكرت

وكانت بتشجيع وديع أنه يأكل وإنه خلاص كبر ،وكمان طلبت أنها

تأكل جزر مقرمش زي وديع😂

طلبت كمان بطيخ لذيذ زي اللي اكله وديع واخوها حاول يفهمها

أنها فاكهه صيفيه طبعا مفهمتش قولتلها خلاص اول ما نرجع ننزل

البسين عمو المزارع هيجبلنا البطيخ 🍉

سؤال؟ هل القصه ممكن نستخدمها تمهيدي الفطام فقط ؟
الاجابه لا

تعرفنا علي بعض أنواع الحبوب

كالشعير والحمص

تعرفنا علي أنواع كثيرة من الخضروات والفواكه

اتكلمنا عن نزولنا الحضانه كخطوة جايه زي وديع وتحمسنا جدا

ولكن مش هينفع نروح حضانه الجمال 😂

اتعرفنا علي أفراد العائله

الجد والجدة والاب والام وعرفنا يعني ايه سوق وهو مكان بيكون

فيه ناس بتبيع خضروات وفواكه وربما حبوب وبعض المنتجات
الأخري
✨الجميل أن كمان القصه كانت بالنسبالنا طريفه جدددا 😂

انبسطنا واستمتعنا شكرا بجد للكاتبه والرسامه ودار النشر المميزيين

📚✨ لو عايزة البداية تكون أسهل عليكي:

قصة همم يا جمل اختيار رائع للأعمار الصغيرة.

📌 متوفرة الآن بسعر مميز في نغم بوك ستور.

ولو عايزة تعملي مكتبة جميلة لابنك…

عندنا قصص مذهلة عن:
🌙 النوم
🍽️ الأكل
🧼 العادات
🧒 الروضة
🍼 الفطام
وكلها مبنية على مواقف يومية زي اللي بنعيشها كل يوم.